寒熱命係蘇民峰喺 1994 年創立嘅一套命理分法，用出生嗰日 喺邊個節氣之間，將人分做寒命、熱命同平命。 立秋之後至驚蟄之前出世係寒命，喜火，以木生火；立夏之後至立秋之前 出世係熱命，喜水，以金生水；中間嗰段係平命。
佢唔使時辰，淨係要出生日期 —— 呢點同傳統扶抑法好唔同，亦都係佢好用 嘅原因：好多人唔記得自己幾點出世。
| 命格 | 出生時段 | 喜用五行 |
|---|---|---|
| 寒命 | 立秋 → 驚蟄 | 喜火，以木生火 |
| 熱命 | 立夏 → 立秋 | 喜水，以金生水 |
| 平命 | 驚蟄 → 立夏 | 水火不忌；清明前較寒，清明後較熱 |
出處：蘇民峰喺風水雜誌《新玄機》第 53 期自述 —— 「立秋後（西曆八月八日）驚蟄前（西曆三月六日）為寒命。立夏後（西曆五月 六日）立秋前為熱命。驚蟄後，立夏前為平命。」
節氣唔係固定日期。佢係太陽行到黃經某個度數嗰一刻，每年爭幾個 鐘，所以會喺兩日之間游走。蘇民峰自己寫嗰幾個日期係方便記嘅約數，唔係 界線本身。
以立秋為例，2020 至 2031 年入面，9 年唔係 8 月 8 日：
| 年 | 立秋日期 | 時刻（香港時間） | |
|---|---|---|---|
| 2020 | 8 月 7 日 | 09:06 | 唔係 8 月 8 日 |
| 2021 | 8 月 7 日 | 14:54 | 唔係 8 月 8 日 |
| 2022 | 8 月 7 日 | 20:29 | 唔係 8 月 8 日 |
| 2023 | 8 月 8 日 | 02:23 | — |
| 2024 | 8 月 7 日 | 08:09 | 唔係 8 月 8 日 |
| 2025 | 8 月 7 日 | 13:51 | 唔係 8 月 8 日 |
| 2026 | 8 月 7 日 | 19:43 | 唔係 8 月 8 日 |
| 2027 | 8 月 8 日 | 01:27 | — |
| 2028 | 8 月 7 日 | 07:21 | 唔係 8 月 8 日 |
| 2029 | 8 月 7 日 | 13:12 | 唔係 8 月 8 日 |
| 2030 | 8 月 7 日 | 18:47 | 唔係 8 月 8 日 |
| 2031 | 8 月 8 日 | 00:43 | — |
節氣時刻用 VSOP87 截斷級數計算太陽視黃經，加 Espenak–Meeus ΔT 修正。同香港天文台曆書對照過 220 個節氣，1950 年後零差異；戰前有 6 個 踩正午夜，差一分鐘之內。
2026 年立秋係 8 月 7 日 19:43。假設有人 2020 年 8 月 7 日下午三點出世：
一個要水金，一個要火木，完全相反。而由呢一步推落去嘅所有嘢 —— 適合邊個方位、邊個地區、邊種樓 —— 都會跟住反晒。
生喺節氣前後一兩日嘅人，一定要查返嗰年嘅真實時刻。
最直接嘅用法係方向。五行對方位係固定嘅：木東、火南、金西、 水北、土中。寒命喜火，火對應南方；熱命喜水，水對應北方。
五行對方位再對香港地理，出處：風水雜誌《新玄機》第 231 期， 區晉豪〈五行方向搵屋〉——「木代表東方。火代表南方。金代表西方。水代表 北方。」
再落一層就係樓宇本身嘅形。楊筠松《撼龍經》以形定五行 —— 金圓、木直、水曲、火尖、土方 —— 而形係量得到嘅：樓幾高、地基幾闊、 離水幾遠。我哋由全港住宅嘅實際數據量出每個區同每幢樓嘅形，所以「你喜火」 可以一路推到「所以呢幢樓夾你幾多分」。
寒熱命係香港堪輿學家蘇民峰喺 1994 年創立嘅一套命理分法，用出生日期落喺邊個節氣之間，將人分做寒命、熱命同平命。立秋至驚蟄出世係寒命，喜火；立夏至立秋出世係熱命，喜水；中間係平命。佢唔使時辰，淨係要出生日期。
睇你出生嗰日喺立秋同立夏之間邊個位置。但唔可以用「8 月 8 日」呢類約數 —— 節氣每年爭幾個鐘，2020 至 2031 年入面有 9 年嘅立秋唔係 8 月 8 日。生喺界線前後一兩日嘅人，一定要查返嗰年嘅真實節氣時刻。
寒命人喜火，以木生火；熱命人喜水，以金生水。推落去，寒命偏向南方同火形嘅環境，熱命偏向北方同近水嘅環境。五行對方位嘅講法出自《新玄機》第 231 期區晉豪〈五行方向搵屋〉。
寒熱命係蘇民峰一家之言，唔係八字嘅共識，而且只分三類，所以單靠佢分唔到人。蘇民峰本人喺同一篇文否定咗傳統扶抑法，所以兩套唔應該溝埋當互相印證。要真係因人而異，仲要睇你盤入面五行嘅比例同本命卦。
住邊度最旺你？三樣嘢先答到
風水 個地方本身 —— 山喺邊、水喺邊、周圍高定矮、有冇煞。呢啲幾十年唔變。
大運 而家行緊九運（2024–2043），二十年轉一次。八運（2004–2023）
當旺嗰啲樓，今日未必當旺。全港 80.9% 住宅係七運或更早起嘅。
八字 你自己。上面兩樣邊個睇都一樣，八字先係屬於你嗰層。
上面每個分係頭兩樣計出嚟嘅。打個出生日期落去，就會排出你嘅四柱、計出你缺 邊幾樣五行，再用八宅睇你個命卦配唔配呢幢樓個向，逐幢計返一個 得你一個人有嘅分。屋企人都加得埋，一齊計。
香港風水地圖